Níl aon lus an chromchinn don Naomh ann

[muckefuck]

Táim ag titim chun deiridh im thuairiscí ar an leathadh mall den Earraigh anso. Ní ach inné a bhfaca mé na bláthanna tosaigh ar an gcampas--plúiríní sneachta in aice an fhoirgnimh riaracháin dob ea iad. (Chonac cróch neamhoscailte sa ghairdín de thigh ar an tslí don tointeáil an seachtain seo chaite, ach níl fhios agam cé acu a tháinig sé slán as an dtamall fuachta deireanach.) Inniu táim t'réis feiscint fheileastraim (Sheapánaigh) agus beidh a thuilleadh ann roimh i bhfad; táid siad ag péacadh ar fud na háite.