(no subject)

Is duine me dhíolas leann lá
Is do chuireas mo bhuidhean chum rangcáis,
Muna mbeidh duine, im' chuideachta dhíolfas,
Mise bheas thíos leis i n-antráth.

Taoscaidh bharr ndóthain den bhranndán
Bharr n-éadaigh ná tomhairsidh le bannláimh,
Tá agam-sa scilling le leigean san bhfíon ghlan,
'S is fearra 'na bhuidhean bhíos ag dranntán.

Do b'ait liom-sa ceolta na dteampán,
Do b'ait liom-sa spórt agus amhrán,
Do b'ait liom-sa an ghloine ag Muirinn dá líonadh,
Is cuidheachta shaoithe gan meabhrán

Ag aithris eoluis na sean-dámh
Cearrbhas ól agus branndán
Fuireann an ghliocais ag seinm na laoithe
Siúd mar do-ghním-se gach antlás.

Seán Ó Tuama "an Ghrinn" (1708-1775))